Og sanniliga sanniliga hómaði eg ein dagin nakað, ein neyvan upplivir nakað annað stað á hesum sama knøtti. Kunnu tit ímynda tykkum, at ein ummælari í Danmark, Svøríki, Noregi, Finnlandi, Íslandi, Bretlandi, Týsklandi, ella tó víðari varð leitað, hevði skrivað nakað soleiðis "vandin er at málið í leikinum gerst ov danskt, ov svenskt, ov norskt, ov finnskt, ov enskt, og týskt osfr...??"
Nei - her hava vit so sanniliga eitt sereyðkenni at hefta upp í okkara brandaða samleika tá hann skal gerast globalur.
Vit hava stutt sagt æruna av at vera einasta tjóð í heiminum sum skammast av sínum egna máli!
Tað má ikki vera "ov reint" og fyri alt í verðini ikki "ov føroyskt" - hvat tað so enn kann vera fyri nakað.
