Fyri áttanda ferð vann argentinska fótbóltslegendan, Lionel Messi Ballon D´or, hóast hann nú spælir í bestu amerikonsku fótbóltsdeildini við Inter Miami.
Tað er tó framúr góða avrikið fyri HM-vinnararnar, Argentina sum koppaði avgerðina hjá nógvum, ið skuldu atkvøða.
Lionel Messi vann frammanfyri norska Manchester City-áleyparan, Erling Braut Haaland og franska áleyparan hjá PSG, Kylian Mbappe.
Tað var enska fótbóltslegendan, David Beckham sum slapp at handa Ballon D´or til Lionel Messi.
Enn fæst Lionel Messi, ið er 36 ára gamal ikki at siga nær hann fer at stilla gaggurnar: - So leingi sum kroppurin spælir við ætli eg at njóta at spæla fótbólt, segði Lionel Messi.
25 ára gamla Aitana Bonmatí úr Spania, ið spælir við FC Barcelona vann Ballon D´or hjá kvinnunum.
