Týski kanslarin, Angela Merkel, segði í einari sjónvarpssamrøðu í dag, at hon ætlar sær at stilla uppaftur, tá val verður til samveldistingið í 2013. Hon legði afturat, at hon fer uttan iva at fáa harða mótstøðu frá sosialdemokratiska andstøðuflokkinum.
Í seinastuni hava meiningakanningar víst, at undirtøkan hjá kanslaranum hevur verið minkandi, men sjálv sigur hon, at tað er ikki nakað, sum hon gongur og hugsar um.
Angela Merkel er formaður hjá teimum kristiligu demokratunum, sum mynda stjórnarsamgonguna saman við teimum fríu demokratunum. Hon gjørdist týskur kanslari í 2005 og varð afturvald á heysti í 2009.
