Vælsmakkandi:
Við síni blíðu, yvirbevísandi rødd ruddar Birgir Kruse slóð fyri loysingarveinginum inn í okkara stovur og lindi. Sjálvur ger hann ikki tað praktiska arbeiðið, men virkar sum ein viti fyri tann boðskap, sum skal beina okkum lurtaranum á kós.
Pedagogiskt:
Eg vil geva Paula Nielsen rektara á Læraraskúlanum eitt 11-tal fyri pedagogik og framløgu. Væl varð greitt frá, hvussu ófrælsar Føroyar eru sum so mong
onnur lond, og eisini hvussu føroyska fólkið bleiv hildið niðri av ávísum afturhaldskreftum, bæði í skúla og á tingi. Kelduvalið var gott og valdu endurgevingarnar vóru enn betri. Eitt 13-tal hevði verðið uppiborið, um hendan grein ikki bleiv skrivað.
Fjølmiðlaábyrgd:
Skilligt er nú fyri mær, hví so hart arbeiði verður lagt í at yvirtaka fjølmiðlábyrgdina. Ivaleyst so at almenn upplýsing kann halda ótarnað fram og eisini fyri at slíkar sendingarnar, sum núverandi lógmálaráðharri
luttøk í í kreppuárunum kunnu halda áfram. Væsignað einum sjálvumog gerðum sínum.
Somu tíð sama boðskap:
Nú báðir tveir eru Hard Core tilhangarar hjá tjóðveldisflokkinum. So manglar bara, at eftir yvirtøkuni av fjølmiðlaábyrgdini verða yndisligu svensku songfuglarnir kveistraðir burtur og 200 spælir lagið: "Hvis tú ikki ert við upp á loysing, so ert tú skítklikkaður". Ja takk, eina mentunarsending við paraply.
