Ymiskir aktivitetir verða eisini á sjónum, nú mentanardagar eru í Fuglafirði.
Eitt av hesum tiltøkum verður leygardagin 12. september frá klokkan 10-14.
- Tá verður ein heilur fyrrapartur við alskyns aktivitetum á sjónum. Eitt nú fer at bera til at leiga kajakkir, at snorkla, luttaka í havsvimjikapping og mangt annað, sigur Hergeir Eldevig, samskipari.
Fríggjakvøldið klokkan 19 og leygardagin klokkan 16 verður skipað fyri grilltúri við sluppuni Jóhonnu, um nóg nógv tekna seg.
- Siglt verður í einar tríggjar tímar, har kjøt verður grillað, og tónleikurin fyllir sálina, sigur Hergeir Eldevig, samskipari.
Meira um mentanardagarnar í Fuglafirði kann lesast á: www.facebook.com/mentanifuglafirdi/events
