Fríggjakvøldið fáa føroyingar høvi at síggja stórfilmin ?Menn sum hata kvinnur? og hoyra Jógvan Isaksen halda fyrilestur um nógv umrøddu krimisøguna eftir Stieg Larsson Fríggjakvøldið 27. februar 2009 kl 19:00 skipar 100 ára haldið hjá Tórshavnar kommunu fyri gallasýning í Havnar Bio, skrivar heimsíðan www.torshavn.fo
Sýningin byggir á mest læntu bókina á Býarbókasavninum í Havn »Menn, sum hata kvinnur«, sum er krimisøga eftir Stieg Larsson. Fyri frumsýningina heldur føroyski krimihøvundurin Jógvan Isaksen fyrilestur um filmin og krimisøguna.
- Eg vænti at hesin filmur verður millum fimm teir bestu í ár, og tað er sjálsamt fyri ein film, sum ikki er amerikanskur, sigur Jákup Eli Jacobsen leiðari í Havnar Bio.
- Føroyskir biografgangarar vilja hava amerikanskar filmar. Men hesin filmur skilir seg greitt úr mongdini, sigur Jákup Eli undan frumsýningini..
Bókin, sum filmurin byggir á, er hin mest selda í Norðanlondum og samstundis hin mest lænta á Býarbókasavninum í Havn, sum í ár hevur 40 ár á baki.
100 ára haldið hjá Tórshavnar kommuna vil við hesi sýning varpa ljós á bæði tænastur hjá kommunala Býarbókasavninum og tað mentanarvirksemi, ið fer fram í biografmyrkrinum í Havn.
