Løgreglan kannar í morgun eitt harðskapsmál, aftaná at tveir menn fóru til hendurs í høvuðsstaðnum í nátt.
Tað var um eitt tíðina í nátt, at løgreglan fekk eina fráboðan um, at áfast var millum tveir menn í býarlívinum í Havn. Løgreglan arbeiðir í løtuni við at staðfesta júst hvat er hent, upplýsir vakthavandi á løgreglustøðini.
- Málið verður kannað sum eitt harðsskapmál. Tað er ikki óhugsandi, at tað endar við eini grundlógaravhoyring, men vit mangla enn nakrar frágreiðingar frá vitnum um hvat hendi. Tær skulu avgreiðast, áðrenn støða verður tikið til hvat hendir víðari, sigur vakthavandi í morgun.
