Norður- og millumamerikanska meistaraskapið í fótbólti verður nevnt Gold Cup.
Í finaluni, ið var leikt í Inglewood í Kalifornia í USA í nátt møttust áttafaldu Gold Cup vinnararnir, Meksiko og lítla landið, Panama sum hevur verið sensasjónsliðið í kappingini.
Panama megnaði at senda amerikonsku vertirnar úr kappingini aftaná brotssparkskapping í hálvfinaluni.
Men Panama, ið hevur danska-spanska venjaran, Thomas Christiansen við róðrið megnaði ikki at gera ein "Danmark 1992".
Meksiko vann finaluna 1-0, og tryggjaði sær harvið níggjunda Gold Cup heitið í søguni.
Santiago Tomas Gimenez skoraði sigursmálið tá tveir minuttir vóru eftir av vanligu leiktíðini.
Hjá Meksiko kom Gold Cup sigurin eyka væl við. Í HM-endaspælinum í Katar høvdu meksikanarar sítt ringasta HM-endaspæl nakrantíð. Tá teir fyri fyrstu ferð síðani 1978 ruku út úr kappingini í innleiðandi bólkaspælinum.
