Meinhard Egilsson Olsen fer frá ársskiftinum at skifta frá Bryne til Mjøndalen IF. Hetta boðar nýggja felagið hjá honum frá á heimasíðuni. Talan er um ein sáttmála, sum er galdandi til 2024.
– Hann er í góðum aldri og hevur nógvar altjóða royndir. Føroyska landsliðið flutti upp í Nations League, og Meinhard E. Olsen er fastur maður í hópinum. Hetta er ein spælarin, sum vit hava fylt í eina tíð. Vit vístu honum eisini áhuga, tá hann í 2019 fór til Kristiansund. Nú passaði tað so væl og hann hevur víst seg fram í Bryne, sigur Jan-Remi Dalen, sum er partur av ítróttartoyminum hjá Mjøndalen.
Mjøndalen IF spælir í bestu deildini, men er í løtuni partur av niðurflytingarstríðnum.
