Russiski forsætisráðharrin, Dmitrij Medvedev, var í dag hjá Vladimir Putin, forseta og handaði honum ein lista við nøvnunum á ráðharrunum í teirri nýggju stjórnini.
Nøvnini eru ikki almannakunngjørd enn, men vælvitandi keldur í Moskva vita at siga, at nakrir av teimum fremstu samstarvsmonnunum hjá Putin fara úr stjórnini. Teirra millum eru Igor Sechin, sum var varaforsætisráðherri hjá Putin, og Rashid Nurgaliyev, sum hevur verið innanríkisráðharri.
Hinvegin verður roknað við, at Sergei Lavrov, uttanríkisráðharri, og Antonin Siluanov, fíggjarmálaráðharri, halda fram sum ráðharrar.
