Tveir fyrru 1/8 finalur í Champions League hava verið í kvøld. Paris Saint Germain vann 2-0 á heimavølli móti spanska Real Sociedad, meðan Bayern Munchen tapti 1-0 í Rom móti Lazio.
PSG - Real Sociedad 2-0 (0-0)
1-0 Kylian Mbappé, 58
2-0 Bradley Barcola, 70
Gestirnir fingu eina góðkenda byrjan og kundi við eitt sindur av hepni lagt seg á odda, men tað var málleyst í hálvleikinum. Í seinna hálvleiki kom lív í Kylian Mbappé, sum legði heimaliðið á odda. Bradley Barcola økti til 2-0, sum er ein passalig leiðsla hjá PSG at taka við sær til returdystin.
Lazio – Bayern Munchen 1-0 (0-0)
1-0 Ciro Immobile, 69
Bayern Munchen er í holt við eitt minni gott kappingarár. Eftir 11 meistaraheiti upp í slag, so eru Harry Kane og hansara menn fimm stig aftanfyri Bayer Leverkusen í heimligu kappingini. Liðið er eisini útsligið í týsku steypakappingini og tað krevur ein sigur í returdystinum, um Bayern Munchen ikki eisini verður varpað út úr Champions League.
Lazio vann dystin í kvøld 1-0. Málið kom upp á brotsspark, sum Ciro Immobile skoraði. Bayern Munchen fekk eisini Dayot Upamecano útvistan. Nú stendur nógv á Thomas Tuchel, venjara hjá Bayern Munchen.
