Tiltakið hevur fingið heitið Matgongan og verður mikudagin 1. mai. Hvørt av matstøðunum borðreiðir við einum betri bita og onkrum leskandi afturvið.
Byrjað verður í Miðlatúni, har gestirnar verða býttir í bólkar og fara so runt frá einari matstovu til aðra. Á hvørjari matstovu verður bjóðað ein rættur og drykkivørur afturvið. Steðgað verður á hvørjari matstovu í umleið 25 minuttir og verða so brúktir 5-10 minuttir at ganga til næsta matstað.
Matgongan gevur teimum staðbundnu og vitjandi høvi at fáa eina øðrvísi matuppliving í Vági, siga fyrireikararnir.
