Eins og tað bergið
tú úr er brotin
Ásmundarstakkur
Eins og oyggj
tó landføst
Rituskor
Eins og lítandi í allar ættir
í Atlantshavi
Lítla Dímun
Eins og Lítla Dímun
kendist sum verja
fyri opnum fjørði
Allar ársins tíðir
í landsins fangi
úr mannabarmi
Varnar hendur
laðaðu eldar
vælaðu og vardu
um glóðir
í bygdarstovu
í mannabørnum
Ei kendi tú teg
sum glaðingarmann
roykur stóð ei til skýggja
Standa tó eldar
um heiðar og fløtur
verma sum mannahiti
glampa sum vitar
Hitt síðsta rituljóðið
stóð út av lónni
lógvin brýtur so einsamøll
knappligt ljóð
sjóð
farr av ævinleika
sigur tín sáttliga rødd.
