(Capital One Cup) Tað var við bit og slit, at Liverpool megnaði at knúgva Notts County úr League One. Liverpool fekk ikki færri enn tríggjar spælarar skaddar í dystinum, sum endaði við at fra í longda leiktíð.
Liverpool er víðari í Capital One Cup, eftir at teir í kvøld vunnu 4-2 á Noots County. Men tað var ikki fyrr enn eftir longda leiktíð, at stórfavorittarnir megnaðu at køva mótstøðuni úr 3. deild í Onglandi.
Tað sá annars út sum ein lættur plikt sigur, tá first Raheem Sterling og síðani Daniel Sturrige løgdu Liverpool á odda 2-0. Notts County svaraði aftur aftaná ein tíma, tá Yoann Arquin stútaði bóltin í kassan. Fimm minuttir fyri tíð kom rættuligt lív í viðhaldsfólkini hjá gestunum, tá innskifti Adam Phillip javnaði.
Liverpool mátti spæla við 10 monnum í longdu leiktíðini, tí Kolo Toure bleiv skaddur og Brendan Rodgers hevði brúkt allar útskiftingarnar. Orkan gekk tó undan hjá undirtippaðu Notts County. Fyrst legði Daniel Sturridge Liverpool á odda 3-2 og stutt seinni øtki innskifti Jordan Henderson til endaliga úrslitið 4-2.
Umframt Kolo Toure, so fóru bæði Joe Allen og Aly Cissokho, sum Liverpool hevur leigað úr Valencia, út við skaða. Tað kemur illa við, nú Manchester United stendur á skránni komandi vikuskiftið.
Capital One Cup – 2. runda
Barnsley 1 – 5 Southampton
Bristol City 2 – 1 Crystal Palace
Burnley 2 – 0 Preston
Burton 2 – 2 Fulham (Brotssparkskapping)
Carlisle 2 – 5 Leicester
Derby 5 – 0 Brentford
Doncaster 1 – 3 Leeds
Huddersfield 3 – 2 Charlton
Leyton Orient 0 – 1 Hull
Liverpool 4 – 2 Notts County
Norwich 6 – 3 Bury
Peterborough 6 – 0 Reading
QPR 0 – 2 Swindon
Sunderland 4 – 2 MK Dons
Tranmere 1 – 1 Bolton (Brotssparkskapping)
West Ham 2 – 1 Cheltenham
Yeovil 3 – 3 Birmingham (Brotssparkskapping)
WBA 3 – 0 Newport
