Marknaðardagurin er sera væl umtóktur bæði millum sølufólk og vitjandi. Seinnu árini hevur verið fullteknað við borðum ið hava selt alskins vørur, og sera nógv fólk hava vitjað marknaðin.
Í ár er einki undantak, tí einir 25 ymiskir básar hava boðað frá luttøku. Eisini verður møguligt at keypa kaffi/te og okkurt gott til matna.
Tað er ókeypis atgongd, og øll eru hjartaliga vælkomin.
Fyrireikarnir minna á, at hava reiðan pening við.
