Trý umfør vóru skotin á Norðskála leygarmorgunin, og tvey umfør, umframt finalan, vóru skotin á Sandvíkum seinnapartin í gjár.
Veðrið var av tí besta, og líkindi at skjóta vóru góð.
Bara ein dúgva skilti Mariusi Joensen frá nærmastu kappingarneytunum.
Tað var neyðugt við umskjóting, áðrenn vinnarin varð funnin, og tað eydnaðist akkurát Mariusi Joensen at endurvinna FM-heitið í Skeet.
Endaliga úrslitið:
1. Marius Joensen, 120 av 150 dúgvum + 1
2. Jóannis Joensen, 120 av 150 dúgvum + 0
3. Magni Dam, 119 dúgvur av 150 dúgvum
4. Sámal Debes, 114 av 150 dúgvum
