Heimskendi danski leikstjórin Bille August leikstjórnar ein nýggjan spælifilm, sum byggir á stuttsøguna »Ehrengard« hjá Karen Blixen.
Netflix boðar nú frá, at eingin annar enn Margretha drotning skal gera pallmyndina til filmin.
– Eg eri sera fegin um at vera ein partur av hesari verkætlan. Søgurnar hjá Karen Blixen hava altíð hugtikið meg, sigur Margretha drotning í einari fráboðan.
Hon hevur eitt nú gjørt dekoratiónir og búnar, sum koma at hava ein stóran leiklut í filminum.
– Eg havi roynt at tulka universið hjá Karen Blixen, og eg gleði meg til, at søgan um Ehrengard livnar upp á filmi, sigur drotningin.
Enn er ikki kunngjørt, hvør skal spæla høvuðsleiklutin í filminum, sum skal verða liðugur í 2023.
