Manskórið í Ebenezer syngur í Bethel í Vági í dag kl. 15. Kórið telur uml. 60 mans, og sangleiðarar eru Jens Chr. Guttesen og Eli Smith. Í dag, sunnudagin 3. mei vitjar manskórið í Ebenezer í Bethel í Vági. Sangmøtið er framskundað til kl.15.00, tí kórið skal norður aftur í kvøld. Kórið hevði sangmøti á kaféini í ítróttarhøllini á Skála í gjárkvøldið.
Tað eru tvey ár síðan kórið byrjaði. Jens Chr. Guttesen og Eli Smith stjórna kórinum, sum telur uml. 60 mans.
