Danska reiðaríið H. Folmer skal ikki rinda endurgjald fyri, at manningin á skipinum Danica White vóru gíslar hjá somaliskum sjórænarum í næstan tríggjar mánaðir í 2007. Fýra av manningini høvdu lagt sak ímóti reiðarínum við kravi um 1,3 millión krónur í endurgjaldi í sambandi við gíslatøkuna. Men Eystari Landsrættur gjørdi í dag av, at reiðaríið kann ikki ábyrgjast endurgjald. Fyrr hevur býarrætturin tikið somu avgerð.
Manningin á Danica White vóru gíslar hjá sjórænarunum í 83 dagar. Tá gekk reiðaríið við til at rinda loysigjald, sum helst var um fýra milliónir krónur.
Tá skipið var sloppið leyst, sigldi tað til Djibouti, opg haðani slapp manningin til Danmarkar við flogfari, sum danska uttanríkisráðið leigaði.
