Tað er ikki altíð líka lætt at sleppa á liðið hjá Sir Alex Ferguson í Manchester United, tí er ikki óvanligt, at Sir Alex velur at leiga onkrar av sínum ungu leikarum út. Tað hava so mætir menn sum David Beckham eisini roynt.
Hesa ferð er talan um 21-ára gamla Tom Cleverley, sum er miðvallari. Hann kom til Manchester United sum 15-ára gamal frá ungdómsdeildini hjá Bradford City. Hann hevur fyrr verið leigaður út til Leicester City og Watford.
Bæði Newcastle og Bolton vóru bæði áhugaði í at leiga Tom Cleverley, men tað endaði við at Wigan fór avstað við honum.
Sir Alex Ferguson hevur eisini sambært enskum miðlum sagt, at 19-ára gamli framherjin, Danny Welbeck, verður leigaður út hetta kappingarárið.
