Fult umfar er í Premier League um vikuskiftið. Í gjár vann Aston Villa 2-1 á Leeds United og í dag endaði stórdysturin millum Manchester United og Manchester City við 2-1 sigri til Manchester United.
Heimaliðið hevur funnið stevið undir nýggja venjaranum, Erik ten Hag. Tað vísti dysturin í dag eisini. Manchester United hevði størru málmøguleikarnar í fyrra hálvleiki, men tað vóru ikki nógvar ábendingar um, at Manchester United skuldi vinna í seinna hálvleiki.
Manchester City skifti Jack Grealish inn tíðliga í seinna hálvleiki. Tað var eiin góð avgerð, tí hann stútaði eitt innlegg frá Kevin De Bruyne í málið, tá ein tími varð spældur. Hesa løtuna var Manchester City omaná, men vertirnir høvdu hug at bíta frá sær.
Tólv minuttir fyri tíð var pláss aftanfyri verjuna hjá Manchester City. Marcus Rashford var greitt í rangstøðu, men valdi í evstu løtu at lata Bruno Fernandes taka yvir. Miðvallarin sendi bóltin í málið og tí bleiv ikki talan um rangstøðu, sum gestirnir annars vildu hava.
Bara tveir minuttir seinni var alt á gosi á Old Trafford. Evnaríki Alejandro Garnacho, sum kom inn í seinna hálvleiki, sendi bóltin innfyri til Marcus Rashford, ið skoraði sigursmálið. Manchester City var ongantíð nær við at javna og Manchester United er nú eins stórur biðil til meistaraheitið sum Manchester City.
| 1 | Arsenal | 17 | 14 | 2 | 1 | 40:14 | 44 |
| 2 | Manchester City | 18 | 12 | 3 | 3 | 46:18 | 39 |
| 3 | Manchester Utd | 18 | 12 | 2 | 4 | 29:21 | 38 |
| 4 | Newcastle | 18 | 9 | 8 | 1 | 32:11 | 35 |
| 5 | Tottenham | 18 | 10 | 3 | 5 | 37:25 | 33 |
| 6 | Fulham | 19 | 9 | 4 | 6 | 32:28 | 31 |
| 7 | Liverpool | 17 | 8 | 4 | 5 | 34:22 | 28 |
| 8 | Brighton | 17 | 8 | 3 | 6 | 32:25 | 27 |
| 9 | Brentford | 18 | 6 | 8 | 4 | 30:28 | 26 |
| 10 | Chelsea | 18 | 7 | 4 | 7 | 21:21 | 25 |
| 11 | Aston Villa | 19 | 7 | 4 | 8 | 22:27 | 25 |
| 12 | Crystal Palace | 17 | 6 | 4 | 7 | 17:25 | 22 |
| 13 | Leicester | 18 | 5 | 2 | 11 | 26:31 | 17 |
| 14 | Leeds | 18 | 4 | 5 | 9 | 26:33 | 17 |
| 15 | Nottingham F. | 18 | 4 | 5 | 9 | 13:34 | 17 |
| 16 | Bournemouth | 18 | 4 | 4 | 10 | 18:39 | 16 |
| 17 | West Ham | 18 | 4 | 3 | 11 | 15:24 | 15 |
| 18 | Everton | 18 | 3 | 6 | 9 | 14:24 | 15 |
| 19 | Wolves | 18 | 3 | 5 | 10 | 11:27 | 14 |
| 20 | Southampton | 18 | 3 | 3 | 12 | 15:33 | 12 |
