Manchester City vann í gjár toppdystin móti Chelsea og er nú 13 stig fremt, eftir at Kevin De Bruyne avgjørdi dystin. Hóast tey flestu er samd um, at Manchester City verður meistari, so vil Kevin De Bruyne ikki taka nakað fyri givið.
- Vit hava fyrr verið í eini støðu, har vit vóru átta ella tíggju stig fremst, men vit hava eisini roynt at verið átta ella tíggju stig aftanfyri. Vit vita, at tað kann broytast skjótt. Vit vita eisini, at frástøðan niður til Liverpool er stór beint nú, men hon minkar um Liverpool vinnur dystirnar, ið ter hava til góðar, sigur belgiski landsliðsmiðvallarin.
Tað gekk rímiliga javnt á í odda dystinum, men í seinna hálvleiki var Kevin De Bruyne munurin, tá hann skoraði við skoti uttanfyri brotsteigin. Venjarin hjá Chelsea, Thomas Tuchel, var ikki nøgdur við allar partar.
Hann og Romelu Lukaku hava verið í einum ávísum orðadrátti í seinastuni, eftir at áleyparin segði seg vilja sleppa aftur til Inter Milan. Eftir dystin móti Manchester City hevði Thomas Tuchel hug at fílast á partar av spælinum hjá belgiska áleyparanum.
| 1 | Man City | 22 | 18 | 2 | 2 | 54:13 | 56 |
| 2 | Chelsea | 22 | 12 | 7 | 3 | 45:17 | 43 |
| 3 | Liverpool | 20 | 12 | 6 | 2 | 52:18 | 42 |
| 4 | West Ham | 21 | 11 | 4 | 6 | 39:27 | 37 |
| 5 | Arsenal | 20 | 11 | 2 | 7 | 33:25 | 35 |
| 6 | Tottenham | 18 | 10 | 3 | 5 | 23:20 | 33 |
| 7 | Man Utd | 20 | 9 | 5 | 6 | 32:29 | 32 |
| 8 | Wolves | 20 | 9 | 4 | 7 | 17:15 | 31 |
| 9 | Brighton | 20 | 6 | 10 | 4 | 21:21 | 28 |
| 10 | Leicester | 18 | 7 | 4 | 7 | 31:33 | 25 |
| 11 | Crystal Palace | 21 | 5 | 9 | 7 | 30:31 | 24 |
| 12 | Southampton | 21 | 5 | 9 | 7 | 25:33 | 24 |
| 13 | Aston Villa | 20 | 7 | 2 | 11 | 27:32 | 23 |
| 14 | Brentford | 20 | 6 | 5 | 9 | 24:30 | 23 |
| 15 | Everton | 19 | 5 | 4 | 10 | 24:34 | 19 |
| 16 | Leeds | 19 | 4 | 7 | 8 | 21:37 | 19 |
| 17 | Watford | 19 | 4 | 2 | 13 | 23:37 | 14 |
| 18 | Norwich City | 21 | 3 | 4 | 14 | 10:45 | 13 |
| 19 | Newcastle | 20 | 1 | 9 | 10 | 20:43 | 12 |
| 20 | Burnley | 17 | 1 | 8 | 8 | 16:27 | 11 |
