Tveir av útsettu dystunum í Premier League hava verið í kvøld. Manchester City vann 1-0 á Brighton, meðan Tottenham ikki megnaði at halda fast í leiðsluni móti Fulham.
Manchester City er, eins og Manchester United, flúgvandi í Premier League. Eftir eina misjavna byrjan er maskinan hjá Manchester City nú væl smurd. Serliga í verjupartinum, har liðið letur fá mál inn.
Tað var eisini tilfeldið í kvøld, har Brighton einki mál fekk, hóast liðið í løtum var í álopsstøðu. Einsamallur málskjútti var ungi lokali Phil Foden, sum er í holt við sítt gjøgnumbrot í ár.
Tottenham er eisini við í oddastríðnum, men fekk bara javnleik móti Fulham á heimavøli í kvøld. Harry Kane hevði annars lagt Tottenham á odda, men eitt korter fyri tíð javnaði Ivan Cavaleiro.
Manchester City er nú nummar trý og kann við at vinna dystin, sum liðið hevur til góðar, yvirhála Liverpool á stigatalvuni. Tottenham bankar enn upp á til topp fýra á sætta plássi.
| 1 | Man Utd | 17 | 11 | 3 | 3 | 34:24 | 36 |
| 2 | Liverpool | 17 | 9 | 6 | 2 | 37:21 | 33 |
| 3 | Man City | 16 | 9 | 5 | 2 | 25:13 | 32 |
| 4 | Leicester | 17 | 10 | 2 | 5 | 31:21 | 32 |
| 5 | Everton | 17 | 10 | 2 | 5 | 28:21 | 32 |
| 6 | Tottenham | 17 | 8 | 6 | 3 | 30:16 | 30 |
| 7 | Southampton | 17 | 8 | 5 | 4 | 26:19 | 29 |
| 8 | Aston Villa | 15 | 8 | 2 | 5 | 29:16 | 26 |
| 9 | Chelsea | 17 | 7 | 5 | 5 | 32:21 | 26 |
| 10 | West Ham | 17 | 7 | 5 | 5 | 24:21 | 26 |
| 11 | Arsenal | 17 | 7 | 2 | 8 | 20:19 | 23 |
| 12 | Leeds | 17 | 7 | 2 | 8 | 30:33 | 23 |
| 13 | Crystal Palace | 17 | 6 | 4 | 7 | 22:29 | 22 |
| 14 | Wolves | 18 | 6 | 4 | 8 | 19:26 | 22 |
| 15 | Newcastle | 17 | 5 | 4 | 8 | 18:27 | 19 |
| 16 | Burnley | 16 | 4 | 4 | 8 | 9:21 | 16 |
| 17 | Brighton | 18 | 2 | 8 | 8 | 21:29 | 14 |
| 18 | Fulham | 16 | 2 | 6 | 8 | 14:24 | 12 |
| 19 | WBA | 17 | 1 | 5 | 11 | 11:39 | 8 |
| 20 | Sheffield Utd | 18 | 1 | 2 | 15 | 9:29 | 5 |
