Maluna Eyðunsdóttir kenna føroyingar við áhuga fyri tónleiki. Hon hevur, hóast ung, verið frammi á pallinum í mong ár.
Hon hevur gjørt vart við seg í fleiri høpum, men serliga gjørdist hon kend, sum limur í bókinum Mark No Limits og seinni við egnum bólki, Malan Eyðunsdóttir Band.
Solo
Um stutta tíð kemur Malan við egnari fløgu.
Fyrireikararnir hava sent út eitt lag á fløgu til fjølmiðlar og onnur at lurta eftir og tað er poppur á føroyskum, ið er hevur altjóða dám, ið talan er um.
Kári Jacobsen eigur lagið Alt við sama lag, og hann hevur eisini skrivað hini løgini, ið vit kunnu vænta okkum frá Maluni.Hann eigur nógvar vældámdar føroyskar sangir og byrjar at gera um seg uttanfyri landoddarnar eisini.
Hetta, at Kári eigur løgini, hevur fingið fyrireikararnar at setta skemtiligu gátuna saman: Hvat hava Grace Jones og Malan Eyðunsdóttir til felags?
Báðar hava Kára Jacobsen sum sangskrivara!!!
(Grace Jones sang lagið, sum Kári skrivaði til sjónvarpssendingina á TV3 Det perfekte Kup - (blðm.)).
