Magnus tók alt

Magnus Matras stóð ein framúr dyst, og fyrst og fremst var hann munurin, tá Kyndil hálvavegna vann stórsigur á VÍF

Jákup Mørk

16.11.2009 (12:49)

<style type="text/css">  </style>   Mangan hava uppgerðirnar millum teir báðar arvafíggindarnar í føroyskum manshondbólti verið bæði tættar og harðar. Og fyrri hálvi tímin av uppgerðini sunnudagin var ikki so nógv øðrvísi í so máta. Spælið var avgjørt ikki nakað at reypa hurrá fyri, og teknisku mistøkini vóru ríviliga nógv í tali. Viljin at stríðast hekk tó uttan á hvørjum tí einasta spælara, og nærdystirnir vóru bæði nógvir og harðir. Hartil var munurin ongan tíð meira enn tað eina málið, so intensitetinum bagdi einki, hóast kræsnu Kyndils- og VÍF-áskoðararnir mangan munnu hava sæð betri dystir millum liðini bæði. <o:p> </o:p> Magnus læsti<o:p></o:p> Avgerandi hendingin í dystinum kom hampuliga seint í fyrra hálvleiki. Magnus Matras og Erling Johannesen kappast í ár um plássið millum stólparnar hjá Kyndli, og hesa ferð byrjaði Erling dystin. Seinasta partin av fyrra hálvleiki varð Magnus tó sendur á vøllin, og hann hevði eisini nakrar bjargingar undan steðginum. Eftir steðgin gjørdi hann tó ein ordans vørr. Fleiri ferðir bjargaði hann kjansum, sum vóru upp ímóti teimum 100 prosentunum, og eins ofta lukkaði hann av fyri møguleikanum, soleiðis at skotroyndin frá mest sum leysa vestmenninginum varð yvirplaserað. – Hetta var ein av teimum heilt frægu dystunum hjá mær higartil í ár. Vit hava sjálvandi vant nógv, og fyri meg hevur tað gjørt øgiligan mun, at vit hava ein málmansvenjara. Tað hevur kanska ikki gingið eins væl allar dystirnar, men í dag riggjaði tað í øllum førum øgiliga væl, segði Magnus eftir dystin. Og tá tú so byrjar seinna hálvleik, sum tú gjørdi í dag. Er tað so bara soleiðis, at tingini henda av sær sjálvum?<o:p></o:p> – Tú kemur meira ella minni í eina støðu, har tú als ikki hugsar um tingini. Tú sært bara bóltin fyri tær, og tað er deiligt, tá tað hendir. Eg hugsaði sum so slettis ikki um, hvussu teir skutu. Eg fór bara har, sum skotini komu, segði ein serstakliga væl nøgdur Magnus Matras, tá vit fingu orðið á hann eftir dystin. <o:p> </o:p> VÍF í botni<o:p></o:p> Sigurin ber við sær, at Kyndil nú veruliga er við í kappingini í oddinum. Enn eru Neistin og StÍF á teimum báðum finalusessunum, men við bara tveimum stigum upp, kann tann støðan broytast heilt skjótt. Hjá VÍF er støðan hinvegin einki hugagóð. Teir eru framvegis ájavnir kollfirðingum í stigum, og skulu teir vinna seg úr botnstríðnum, skulu fleiri lutir broytast. Fyrst og fremst skal høvdið brúkast meira í spælinum, og so hevði tað helst ikki gjørt nakran skaða, um menn dugdu at vera kaldari í skotstøðunum. Tí góður málverji ella ikki, so skulu gjarna fleiri enn 23 mál til fyri at vinna nakran hondbóltsdyst í bestu mansdeildini.<o:p></o:p>

Magnus tók alt

Mest lisið

Landið letur stuðul til stjórabilar men ikki til avlamisbilar

Norrøna fekk kúlubøku á kúlustevnið

Myndir: Summarsólstøður í Sandagerði

Bygd við 45 íbúgvum eigur tríggjar landsliðsleikarar

Eg havi fyrireikað meg at fara úr hesum heimi

Iran: - USA bumbaði diplomatiið

Tikin fyri harðskap og svevur í brummuni

Amerikanskar bunkarbumbur viga yvir 13 tons

Trump: Iransk kjarnorkuverk eru fullkomiliga oyðiløgd

ST-leiðari: Amerikanska álopið er ein hættislig víðkan