Magnus Jákupsson vann í gjár gull í 50 metrar ryggsvimjing á donsku meistarastevnuni, skrivar svimjing.com.
Hann svam teinin uppá 25.63 sekund, har næsti maður Andreas Schiellerup svam 26.07. Hetta er stórt persónligt met hjá Magnusi Jákupsson. Hetta er eisini greitt besta tíð millum danskar svimjarar yvirhøvur í ár, í mun til hansara til nú bestu tíð 25.92 frá Danish Open í mars mánaða.
Føroyska metið hjá Magnusi er 26.34 frá donsku meistarastevnuni í fjør, so har hendir av álvara nakað hjá Magnusi. Danska metið hjá Matiasi Gydesen er 25.44, frá EM í Budapest í 2010, skrivar svimjing.com
Magnus hevur eisini verið í hilinum í morgun og gjørdist fjórðskjótastur í 50 metrar firvald. Tíði hjá Magnusi var 24.99 sekund, aftanfyri Andreas Schiellerup á 24.64, Søren Dahl á 24.72 og Daniel Steen Andersen á 24.92. Heilir fimm svimjarar komu á mál undir 25 sekund, so tað verður ein sjón seinnapartin, tá ið finalan verður í Bellahøj Svømmestadion í Keypmannahavn, skrivar Svimjing.com víðari.
