Magnstøðin í Vestmanna hevur staðið til sølu í longri tíð. Hanna Fonsdal, sum er sjúkrarøktarfrøðingur, og Pauli Zachariasen, sum er útisiglandi maskinmeistari, hava keypt Magnstøðina í Vestmanna.
Pauli og Hanna siga við Portalin, at tað ongantíð lá í kortinum, at tey skuldu keypa støðina. Hanna, sum er dóttir til fyrrverandi eigaran, sigur, at áhugin fyri støðini ikki hevur verið so stórur, og av tí at oljusølan byrjaði við abba hennara, og tað at pápi hennara var íverksetari og bygdi verandi Magnstøð fyri júst 30 árðum síðan, hevur gjørt at vit ikki vilja at støðin stongir. Nakrar umbyggingar og uppíbyggingar verða gjørdar í næstum, so handilin verður meira ein handil enn ein kiosk.
