Í dag spældu Magna Tórðardóttir og hennara liðfelagar í HIK seinasta dystin í hesum árinum í næstbestu donsku hondbóltsdeildini.
HIK tapti greitt 20-26 fyri DHG Odense í botnuppgerðini á útivølli. Í steðginum var DHG á odda 14-6.
HIK hevur tapt átta av 11 dystum, og tær liggja næstaftast í deildini við bert seks stigum. Tó er bert eitt stig upp til Gudme á fjórðaftasta plássinum, ið gevur eitt nýtt kappingarár tá grundspælið er liðugt.
Magna var ikki millum málskjúttarnar hjá HIK í dag.
Kappingin í næstbestu donsku deildini verður tikin uppaftur 7. januar.
