Fyrrapartin handtók danska løgreglan ein 41 ára gamlan mann, sum býr á Falster. Maðurin hevði lagt eitt video á YouTube, har hann hótti danska forsætisráðharran Lars Løkke Rasmussen og løgregluna.
Handtikni maðurin hevur verið til avhoyringar hjá løgregluni í dag.
– Tað er ólógligt at leggja slíkar hóttanir á internetið, og vit taka málið í stórum álvara, sigur politiinspektørurin Kim Kliver sambært Ritzau.
Tann 41 ára gamli maðurin er kenningur hjá løgregluni, og hann er nú skuldsettur fyri at hava hótt almenn starvsfólk við harðskapi.
