Nú er klárt hjá 24 fólkum at flyta inn í nýggja bygningin á Tjarnargarði í Havn.
Nýggja heimið á Tjarnargarði varð reist í januar í ár Í gjár var hátíðarhald í nýggja heiminum á Tjarnargarði, har røður vórðu hildnar, og sangur og tónleikur framførd.
Fyrstur at halda røðu var Heðin Mortensen, borgarstjóri, sum eisini handaði heiminum eina gávu frá Tórshavnar kommunu. Tað eru tveir málningar, ið hoyra saman í eina eind, sum listakvinnan Astri Luihn hevur gjørt.
Aðrir røðarar á hátíðarhaldinum vóru Katrin Dahl Jakobsen, formaður í sosialu nevnd Tórshavnar býráðs, Hans Pauli Strøm, landsstýrismaður í almanna- og heilsumálum og Hensia Einarsson, leiðari á Tjarnargarði.
Millum røðurnar var tónleikur og sangur. Andrea Heindriksdóttir og Bernhardur Wilkinson spældu jólaløg á floytu, og Linda Petersen og Heini Lützen sungu tveir jólasangir.
Kelda: Tórshavnar kommuna
