Hóast 150.000 fraklendingar sunnudagin gingu mótmælisgongu í París ímóti nýggju lógini, sum loyvir samkyndum at ganga saman í hjúnalag, var boðskapurin hjá mótmælisfólkunum ikki eitt mótmæli ímóti samkyndum.
Tað eru ikki fleiri fraklendingar, sum eru ímóti, at samkynd sleppa at giftast, enn tað eru danskarar, sum eru tað, sigur Jørn Boisen, granskari við universitetið í Kjøpinhavn.
Hann vísir á, at í staðin er nýggja lógin blivin eitt høvi, sum bæði borgarlig, katolikkar og høgravíðgongd kunnu brúka, tá tey annars bara sum heild vilja mótmæla politikkinum hjá stjórnini.
Hetta er nakað tað sama sum Tea Party-rørslan í USA, har ein bólkur av høgravíðgongdum støðugt roynir at gera sær dælt av konserativum tankum um familjuvirði, sigur Boisen.
