Fríggjadagin 3. apríl verður skipað fyri mótmælistiltaki á Vaglinum.
- Við hesum vilja vit vísa okkara ónøgd við førda politikkin á útbúgvingarøkinum í Føroyum.
Vit mótmæla, at samgongan svíkur lyftini í samgonguskjalinum um at raðfesta útbúgving og gransking í Føroyum.
Vit mótmæla, at Søgu og Samfelagsdeildin á Fróðskaparsetrinum skal kenna sviðan av hesum, hóast mong vilja lesa har.
Vit mótmæla, at samgongan gongur ímóti øllum lyftum, ið allir flokkar góvu við seinasta val um, at Fróðskaparsetrið skuldi mennast til altjóða universitet.
Vit mótmæla, at politiska skipanin er við til at gera føroyska ungdómin til størstu útflutningsvøru føroyinga, við ikki at raðfesta útbúgving hægri.
Vísið tykkara ónøgd við sviknu lyftini. Vísið tykkara ónøgd við gongdina!
Møtið fjølment á Vaglinum fríggjadagin klokkan 16!
Við lestrarkvøðu
Lesandi á Fróðskaparsetri Føroya
Hesi stuðla mótmælistiltakinum:
Meginfelag Føroyskra Studenta
Føroya Ungdómsráð
Unga Tjóðveldið
Ung fyri Miðflokkin
Unga Sjálvstýrið
LISA - Listafólkasamband Føroya
Yrkisfelag Studentaskúla- og HF-lærara
Starvsmannafelagið
Næmingaráðið á Kambsdali
