Møtirøð í Berøa

Fimm daga møtirøð verður í Berøa í Saltangará frá miku­kvøldinum 29. januar til sunnukvøldið 2. februar. Einki ávíst evni er ásett, men møtini verða ein blanding av uppbyggingar- og evan­gel­iskum møtum.
Síðani miðskeiðis í sjeyti­árunum hava Svenn­ing av Lofti, Hjørleif Vang, Páll á Lakjuni, Jógvan Páll Sevdal og Poul Jóhan Djur­huus virkað saman í Harr­ans verki, har teir hava skip­að fyri størri og minni funda­røðum, bíbliuskeiðum og evangeli­serings­ferðum uttanlands.
Luttøka verður við tón­leiki og sangi, so sum sang­kórið í Ebenezer, kvar­tettin í Betesda, Miðnáttar­sang­bólk­urin og kvartettin í Filadelfia. Á øllum møtunum verður nógvur og góður sersangur og felagssangur.
Samkoman í Berøa sigur, at øll eru vælkomin til møtini. Møtini gerandiskvøldini eru øll kl.19.30, meðan møtið sunnukvøldið er kl.18.00