Múte Egede tekur 51 ára gamalt met hjá Atla P. Dam

At gerast stjórnarleiðari sum 34 ára gamal er rættiliga ungt. Tað er í øllum førum met í kongaríkinum – í ríkisfelagsskapium millum Danmark, Føroyar og Grønland.

Yngsti løgmaður í Føroyum var Atli P. Dam, sum gjørdist løgmaður fyrstu ferð sum 38 ára gamal 10. desember í 1970. Hann var løgmaður fimm ferðir. Valdur til løgmann í 1970, 1975, 1979, 1985 og 1991.

Tann yngsti persónurin í forsætismálaráðnum í Danmark er núverandi forsætisráðfrú Danmarkar, Mette Frederiksen. Hon er fødd 19. november í 1977 og var 41 ára gomul, tá hon gjørdist forsætisráðfrú 27. juni í 2019.

Múte Boerup Egede í Grønlandi er føddur 11. mars í 1987 og júst fyltur 34 ár og verður yngsti landsstýrisformaður í Grønlandi, um tað eydnast honum at skipa landsstýri. Hann er formaður í vinstrasinnaða flokkinum Inuit Ataqatigiit, stytt IA.

Tað er kanska vert at merkja sær, at fyri at finna tann næst yngsta eftir Mette Frederiksen, so skulu vit rættiliga langt aftur í tíðina. Tí tað Carl Theodor Zahle, sum var forsætisráðharri frá 1909-20 og frá 1913-20. Hann var  43 ára gamal, tá hann tók við í 1909.

Fyri at finna triðyngsta í Danmark skulu vit nógv longur aftur. Tí hann var Carl Christopher Georg Andræ, for var forsætisráðharri í Danmark frá 1856 til 1857. Hann var 44 ára gamal. Á fjórða plássi kemur Hans Hedtoft, sum var forsætisráðharri í Danmark frá 1947-50. Hann var 44 ára gamal.

Tann fimt yngsta í Danmark er hin kvinnan í sessinum, Helle Thorning-Schmidt, sum var forsætisráðfrú frá 2011-2015. Hon var 44 ár, tá hon tók við starvinum.

Talvan niðanfyri vísir allar løgmenn í Føroyum, og aldur fyrstu ferð tey vóru vald til løgmann:

Talvan niðanfyri vísir allar landsstýrisformenn í Grønlandi, og aldur fyrstu ferð tey vóru vald til landsstýrisformann: