Fyrr í vikuni skrivaði In.fo, at Sebastian Pingel er á veg KÍ. Sum skilst, so vóru partarnir komnir at kalla ásamt um eina avtalu, men nú ljóðar at HB er farið í mótálop og vil hava famherjan at halda fram í felagnum.
Les eisini: HB áleypari helst til KÍ
Stríðshugaði framherjin er ein væl lýddur spælari í HB, men higartil hevur felagið ikki longt sáttmálan við fleiri av spælarunum frá farna kappingarári. Ikki fyrr enn í gjár kom avtalan við Trónd Jensen upp á pláss, meðan Jóhan Troest Davidsen og Øssur Dalbúð eru farnir til NSÍ.
Sebastian Pingel kom til føroyskan fótbólt í fjør, tá hann spældi við B36. Síðani skifti hann til HB, har hann í ár hevur verið ídnastu spælararnar. Hann tók lut í 25 dystum í landskappingini og skoraði níggju mál.
Onnur feløg, sum eru nevnd í samband við Sebastian Pingel eru EB/Streymur og Skála.
