Johannes Møllehave og Theodor D. Olsen fara at røða um lívsins viðurskifti í Norðurlandahúsinum sunnudagin klokkan 16. Sunnudagin verður Norðurlandahúsið karmur um áhugavert tiltak við kenda danska prestinum og rithøvundanum, Johannes Møllehave og okkara presti, Theodor D. Olsen.
Tiltakið tekur støði í samrøðu millum Johannes Møllehave og Theodor D. Olsen, har lívsins viðurskifti verða umrødd. Eisini fer Kim Hansen at framføra tónleik eftir Møllehave.
Atgongumerki til tiltakið í Norðurlandahúsinum, sum verður sunnudagin klokkan 16, kunnu keypast í Norðurlandahúsinum og á kunningarstovunum.
