Serbia hevði vunnið við trimum málum, hóast dómarin hevði floytað fyri frísparki, áðrenn Danko Lazovic legði gestirnar á odda.
Annað er ikki hugsandi.
Í øllum førum ikki sambært Nemanja Vidic, verjuspælara úr Manchester United.
Hann er sannførdur um, at tað er eingin grundgeving fyri tapið hjá føroyingum.
– Vit høvdu fingið mál fyrr ella seinni. Eysturríki og Rumenia hava spælt truplar dystir í Føroyum seinasta árið, og vit tóku uppgávuna í álvara. Vit hava spælt betri dystir enn hendan, men vit vunnu uppiborið. Vit greiddu uppgávuna og hugsa nú um komandi dystin, sigur Nemanja Vidic.
Men var tað rætt, at málið hjá Lazovic varð viðurkent?
– Nei. Eg sá, at Jovanovic nýtti hondina. Dómarin sá tað ikki, og vit fingu málið. Tað er ikki meira at siga um tað, sigur Nemanja Vidic.
