Mánadagin noyddist kommunan í Nuuk at senda menn at vaska ta kendu standmyndina av Hans Egede, tí onkur hevði stoytt reyða máling á hana.
Ótangarnir høvdu stoytt reyða máling oman yvir andlitið og oman eftir standmyndini frammantil, og á stabban undir standmyndini høvdu teir skrivað talið 666 og teknað ein kross. Løgreglan í Nuuk heldur, at ótangarnir hava verið fleiri í tali.
Hans Egede var trúboðari og grundlegði grønlendska høvuðsstaðin Nuuk.
