Jenis av Rana úr Miðflokkinum hevur biðið løgtingið um farloyvi frá 23. november til og við 2. desember í ár. Somuleiðs biðir hann løgtingið um, at næsti maður á lista Miðfloksins í Suðurstreymoyar valdømi, Álvur Kirke, tekur sæti á tingi hetta tíðarskeið.
Álvur Kirke fekk til valið í 1998 43 atkvøður, meðan Jenis av Rana, sum fekk mestar, fekk 258 atkvøður. Triðjmestar atkvøður á listanum hjá Miðflokkinum í Suðurstreymoy fekk Steindor Hjaltalin. Hann fekk 39 atkvøður.
