Demokratiska undanvalið í Iowa í nátt var tað javnasta í søgu statsins. Enn er ikki heilt liðugt at telja, men í skrivandi løtu er munurin millum tey bæði 0,2 prosentstig. Endin var, at Hillary Clinton fekk 700 umboðsmenn, meðan Bernie Sanders fekk fimm færri, 695.
Tað áhugaverda er, at júst fimm umboðsmenn er talið, sum Hillary Clinton vann við lutakasti.
Á fimm valstøðum var av ymiskum ávum neyðugt við lutakasti fyri at avgera, hvør skuldi fáa seinasta umboðsmannin. Hetta var støðan millum annað á einum lítlum valstaðið í býnum Ames. 484 fólk skrásettu seg til valið, men tá av tornaði, vóru einans 424 atkvøður givnar. Úrslitið var, at Hillary Clinton fekk fýra av átta umboðsmonnum, meðan Bernie Sanders fekk tríggjar. Tær írestandi 60 atkvøðurnar vildu verið avgerandi fyri, hvør skuldi fáa seinasta umboðsmannin, men av tí, at eingin møguleiki var at avgera, hvør skuldi fáa hann, varð alt avgjørt við lutakastið.
Ein mynt varð blakað í loft, fólkini hjá Hillary róptu króna og so varð. Tí fekk Hillary ein umboðsmann aftur at. Líknandi støður hendu á fýra øðrum valstøðum
