Í gjár vóru nólsoyingar á útferð við Norðlýsinum í Koltri.
Veðrið var gott og soleiðis, sum viðhefta mynd vísir, kundu nólsoyarkvinnur ikki lata vera við at leypa á bláman.
Nólsoyarkvinnur eru vanar við at svimja á Malarenda í Nólsoy, og nú nakrar úr "svimjitruppinum" vóru í Koltri, gjørdist "freistingin" ov stór.
Tað er Jógvan Thomsen, sum hevur tikið viðheftu mynd, og aðrar myndir frá ferðini í Koltri eru at síggja á facebook-síðuni - Nólsoy Nú & Tá.
Túrurin, sum nólsoyingar gjørdu út í Koltur í gjár, skuldi ætlandi vera á hvítusunnu, men tá varð ferðin avlýst.
