Hvør tað er, sum traðkar á tey á »teimum niðastu rókunum«, tað er nú sjón fyri søgn. Jenis av Rana er trygd fyri, at løgmaður fær ein skattalætta upp á 4.500 krónur um mánaðin. Skattalættin hjá Jenisi av Rana, sum sambært hansara definitión man sita á »teimum ovastu rókunum«, er neyvan minni enn hjá løgmanni.
Men vaskikonan ella flakakvinnan, tær eru tó ikki við sviðusoð, tí tær fáa jú einar 67 krónur í skattalætta frá Jenis av Rana sambært útrokningum hjá Dimmalætting.
– Góði Jenis? Onkur helt, at tú vart okkurt slag av sosialisti – at tú veruliga meinti hatta við »teimum á niðastu rókunum«. Hvat gongur av tær? Offrar tú alt fyri valdið, ella ert tú bara ein politiskur veðurhani, sum takkar veljaranum við at traðka á hann?
