Tað hevur verið uppá tal leingi, men nú tykist sannlíkt at vinstri bakkurin hjá Southampton, Luke Shaw, skiftir til Manchester United, tá komandi kappingarár í Premier League byrjar. Tað eru einans treytir um persónlig viðurskiftir, ið skilja Luke Shaw og Manchester United.
Luke Shaw var annars millum teir 23 í dag, tá Roy Hodgson tók enska landsliðið út. Luke Shaw er valdur framum Ashley Cole sum vinstri bakkur til HM.
Sambært Daily Mirror fer Manchester United at gjalda umleið £25 milliónir pund fyri enska vinstrabakkin. Harumframt fær Luke Shaw eisini eina stóra lønarhækkan. Tí frá at forvinna £25.000 pund um vikuna, kemur Luke Shaw at forvinna £75.000 pund um vikuna í Manchester United.
18 ára gamli Luke Shaw er enn bara skrásettur fyri ein dyst fyri enska landsliðið. Hann spældi Luke Shaw í februar, tá Ongland vann 1-0 í venjingardysti móti Danmark.
