24. oktober verður Ítróttahøllin á Hálsi í Havn karmur um konsert við Lukas Graham.
Lukas Graham var eitt av høvuðsnøvnunum á Summar Festivalinum í ár, og fleiri høvdu tá á munni, at hetta var kanska besta konsertin nakrantíð á Vágsbøi.
Sjálvur var Lukas Graham bergtikin av Føroyum og føroyingum, og hann lovaði alt fyri eitt, at hann ætlaði sær aftur til Føroya í heyst. Og tað lyftið ætlar hann sær at halda, skilst.
24. oktober fer danski popparin nevnliga at hava útgávukonsert í Høllini á Hálsi í Havn. Talan er um fyrstu konsertina nýggju konsertferð hansara. Ein ferð, sum eitt nú telur stóru høllina í Forum, har tað longu er útselt, og har eykakonsert tí er sett á skránna.
Til konsertina í Føroyum verða 1.800 atgonguermki sett til sølu.
