Førarahundurin hjá blinda Una Rasmussen var funnin í fjøllunum, og nú er Lotta, sum hundurin eitur, komin heimaftur til familjuna Tað var nýggjársdag, at Lotta bráliga fór til stroks orsaka av onkrum fýrverksbresti. Hundurin kom ikki heimaftur, og síðani hevur verið leitað eftir hundinum.
Uni Rasmussen var sjálvur saman við konunui í haganum í gjár og leitaði, og í dag skipaði Sløkkiliðið í Gøtu fyri leiting. Eisini tyrlan hjá Atlantsflogi tók lut.
Og tað eydnaðist at finna hundinum í brattlendi. Tyrlan fleyg hundin til Norðragøtu, og har vóru øll fegin um, at tað hevði eydnast at bjarga hundinum.
