Nýggjasta virkið í Klaksvík er nú klárt at fara undir sítt virksemi.
Í gjár var móttøka á Looknorth í Klaksvík, og í komandi viku ætlar virkið at fara undir at framleiða kassar.
Um smáar tvær vikur ætlar virkið at kunna lata kassar.
Maskinurnar á virkinum vórðu royndar fyrr í vikuni, og tær riggaðu væl. Á móttøkuni í gjár var eisini ætlanin at royna maskinurnar.
Looknorth liggur á vestara kaiøki, undir liðini á gamla Dávavirkinum.
