FC Roskilde hevur veruliga verið væl koyrandi seinastu dystirnar og hevur ikki tapt ein dyst, síðani kappingin varð tikin upp aftur eftir vetrarsteðgin. Henda góða gongd varð tó steðga í dag, tá FC Fyn vann ógvuliga tepurt 1-0. Í FC Roskilde iðra teir seg um hetta, tí teir høvdu fleiri fínar kjansir í fyrra hálvleiki, samstundis sum málið hjá FC Fyn fall eftir eitt ógvuliga bíligt brotsspark í seinna hálvleiki. Atli Danielsen hevði ikki nakran málmøguleika, men var maðurin aftanfyri fleiri vandamiklar deyðbóltsstøður. Júst hetta vápnið eru tey sera fegin um í Roskilde, og hava tey eisini notið gott av tí í øðrum dystum.
