Tað sigur Aksel V. Johannesen, løgmaður, við Kringvarpið. Hann sigur, at hann kann ikki góðtaka, at lív verða sett í vanda. So kemur ikki glið á samráðingarnar, og verða undantøk ikki latin aftur, so verður Løgtingið kallað saman.
Boðini um at kalla Løgtingið saman verða latin annaðhvørt í kvøld ella í morginári tíðliga, so tingfólk úr Suðuroy sleppa til Havnar við Smyrli klokkan 8.
Løgamður sigur, at hann hevur politiska undirtøku at tryggja, at lív og heilsa hjá sjúklingum ikki er í vanda. Hann vil ikki siga, um Løgtingið fer at lóggeva ein nýggjan sáttmála, so tað kann ljóða sum um, at hann ætlar við lóg at tryggja, at í minsta lagi undantøk verða sum higartil.
