Í einum revsimáli hevur eitt telefelag av misgáum givið aðrar upplýsingar enn tær, sum løgreglan í Føroyum bað um at fáa. Í staðin fyri at fáa upplýsingar um, hvar tann mistonkti persónurin hevði verið, hevur telefelagið givið løgregluni upplýsingar um, hvar teir persónar, sum hava verið í samband við mistonkta, hava verið.
Løgreglan metir tó, at hetta ikki hevur havt avgerandi týdning fyri revsimálið, og løgreglan hevur kunnað rættin í Føroyum eins og verjarnar í málinum um feilin.
Tvey onnur mál eru til viðgerðar í rættinum, har teledátur verða brúktar. Heldur ikki í hesum málum, verður tað mett at hava avgerðandi týdning.
– Vit vilja sjálva vera heilt vís í, at slíkir skeivir upplýsingar ikki hava havt týdning í øðrum málum. Tí eru vit, fyri at vera heilt vís, farin í gongd við at gjøgnumganga upp ímóti 50 mál, sum eru endað. Nær vit eru liðug við hetta arbeiði, kunnu vit ikki upplýsa, sigur Michael Boolsen, politimeistari.
