– Nú eru vit skjótt komin til eina grensu, har nokk er nokk.
Tað segði løgmaður i tinginum í dag í sambandi við herferðina hjá Sea Shepherd í Føroyum.
Løgmaður vísti á, at tað bar ikki til hjá myndugleikunum at nokta fólkum at koma til Føroya at mótmæla friðarliga. Men tað sum var hent seinastu dagarnar, helt løgmaður var í meira lagi til, hvat vit kunnu góðtaka.
– Vit halda fram at drepa grind í Føroyum, tað er eingin ivi um tað. Tað hava vit gjørt síðani 1582 ella 1583. Men vit eru komin til eina grensu við hesum svørtkløddu fólkunum, at nokk er nokk.
